Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба саҳмгузорӣ дар ободониву созандагӣ ва сабзу хуррамгардонии кишвар Вазорати нақлиёт бо иштироки тамоми кормандони соҳа дар роҳҳои автмобилгарди шаҳру ноҳияҳои кишвар рӯзи 6 - уми августи соли равон аз соати 8:00 шанбегии умумисоҳавиро баргузор намуд.
Кормандони соҳа аз муассисаҳои давлатии нигоҳдории роҳҳои автомбилгарди минтақаҳои Ҳисор, Кӯлоб, Бохтар, Рашт, Суғд ва ВМКБ ба ҳашар баромада, дар тоза кардани шафати роҳҳо ва обпартоҳои қади роҳ аз ашёҳои пластикӣ, алафҳои худрӯ, рангу бор кардани канораҳои роҳ ва дарахтони шафати роҳ ва дигар корҳои ободонӣ иштирок намуданд.
Аз ҳамаи муассисаҳои нигоҳдории роҳҳо зиёда аз 1500 нафар дар шанбегӣ иштирок карда, аз соати 8 саҳар тозакуниро аз биноҳҳои коргоҳҳо оғоз намуданд.
Дар ин раванд, иҷрои корҳои зерин дар ҳудуди НТМ, минтақаҳои Ҳисор, Рашт, Кӯлоб, вилояти Суғд ва ВМКБ амалӣ карда шуданд:
Кормандони МД «Нигоҳдорӣ ва равшаннамоии нақбҳо» низ ба ҳашар баромада, даруни нақбҳои «Хатлон» ва «Озодӣ» - ро тоза ва канорадеворҳоро шустушӯй намуданд. Ин агар кори ҳаррӯзаи роҳдорони кишвар бошад, ҳам дар ин рӯз бо аҳли оила ва тамоми кормандони муассиса ба тозакунии роҳҳо баромаданд.
Ин иқдомро кормандони Вазорати нақлиёт давом дода, дар дигар корхонаҳои нақлиётӣ ҳам шанбегиҳо гузаронда мешаванд.