• Tajik
  • Русский
  • English

Маълумоти мухтасар ба ҳолати 01.06.2019

- маблағи умумии лоиҳа: 3,6 млн.дол.ИМА

• кӯмаки бебозгашти Ҳукумати Ҷопон

- маблағи азхудшудаи умумилоиҳавӣ: 2,31 млн.дол.ИМА (64,2%)

- машваратчӣ: ширкати CTI (Ҷопон)

- муҳлати иҷрои корҳо: оғоз – апрел 2017, анҷом – июл 2020

- шумораи кормандон: 20 нафар: маҳаллӣ – 7н. (35%), хориҷӣ - 13н. (65%)

- шарҳи лоиҳа: харидории таҷҳизот, омӯзиш ва баланд бардоштани малакаю маҳорати мутахассисони соҳаи роҳдории кишвар барои идоракунӣ ва пешгирии офатҳои табиӣ дар роҳҳои автомобилгард.

Лоиҳаи мазкур дар асоси Созишнома оид ба ҳамкории техникӣ байни Ҳукумати Ҷумҳурии Тоҷикистон ва Ҳукумати Япония, ки 15 феврали соли 2005 ба имзо расида, бо қарори Маҷлиси намояндагони Маҷлиси Олии Ҷумҳурии Тоҷикистон аз 15 июни соли 2005, №79 тасдиқ (ратификатсия) гардидааст, инчунин Протоколи ҷаласа аз 9 ноябри соли 2016, ки байни Вазорати нақлиёт ва Агентии Ҷопон оид ба ҳамкориҳои байналмилалӣ “JICA” ба имзо расидааст, татбиқ гардида истодааст.

Машваратчӣ моҳи апрели соли 2017 ба корҳои худ оғоз намуда, корҳо идома доранд.

Ба ҳолати  ҳозира дар доираи лоиҳа таҷҳизоти зарурӣ барои гузаронидани омузишҳо, аз қабили тахеометр, автонивелир, масофаченкунакҳои лазерии фосилавӣ, сангмайдакунакҳои пневматикӣ барои экскаватор, сангмайдакунакҳои пневматикии дастӣ, асбобҳои боронченкунӣ ва масолеҳ барои иҷрои корҳои пешгирии оқибатҳои офатҳои табиӣ дар иншооти пилотӣ, аз қабили қуттиҳои габионӣ ва борхалтаҳои махсус барои бунёди садди ҳимоявӣ  харидорӣ гардиданд. 

Инчунин,  тибқи нақша бо мутахассисони 26 адад муассисаҳои пилотӣ, аз ҷумла муассисаҳои давлатии нигоҳдории роҳҳои автомобилгарди шаҳру ноҳияҳои вилояти Суғд, минтақаи Ҳисор, ноҳияҳои Нуробод, Рашт ва Тоҷикободи минтақаи Рашт интихобгардида вобаста ба масъалаҳои тақвияти иқтидорҳо оид ба пешгирӣ ва бартарафсозии оқибати офатҳои табиӣ омӯзишҳои назариявӣ ва амалӣ гузаронида шуда, дар рафти гузаронидани омӯзишҳо ду иншооти ҳимоявии пилотӣ дар ноҳияҳои Айнӣ ва Варзоб бунёд гардиданд.