• Tajik
  • Русский
  • English

Маълумоти мухтасар ба ҳолати 01.06.2019

- маблағи умумӣ: 5,243 млн. доллари ИМА,аз ҷумла;

• қарзи Бонки Аврупоии Таҷдид ва Рушд – 2,540 млн.дол.ИМА

• кӯмаки бебозгашти Бонки Аврупоии Таҷдид ва Рушд – 2,540 млн.дол.ИМА

• кӯмаки техникии Бонки Аврупоии Таҷдид ва Рушд – 163,00 ҳаз.дол.ИМА (149 365 Евро)

- маблағи азхудшудаи умумилоиҳавӣ: 2,185 млн.дол.ИМА (41,7%)

- машваратчӣ: ширкати Луис Бергер (Фаронса)

- таҳвилгарон: ширкати “Сиамен XGMA Интернэшнл Трейд Ко.Лтд”   (Ҷумҳурии Халқии Хитой) ширкати “Фая Бёд Дистрибюшн ФЗЕ” (Аморати  Муттаҳидаи Араб)

- муҳлати иҷрои корҳо: оғоз – 2015,  анҷом – сентябр 2019 

- шумораи кормандон: 6 нафар: маҳаллӣ–3н. (50%), хориҷӣ-3н. (50%)

- шарҳи лоиҳа: харидории таҷҳизотҳо ва техникаҳои нигоҳдории роҳ барои муҷаҳҳазгардонии муассисаҳои давлатии нигаҳдории роҳҳои автомобилгарди Вазорати нақлиёт

15.05.2018с. Қарордод байни Вазорати нақлиёт ва ширкати “Сиамен XGMA Интернэшнл Трейд Ко., Лтд.” (Ҷумҳурии Халқии Хитой) оид ба харидорӣ ва таҳвили техникаи хизматрасонии роҳҳо ва таҷҳизоти техникӣ (Лотҳои 1, 2 ва 3) ба маблағи 4 532 341,01 доллари ИМА ва Қарордод байни Вазорати нақлиёт ва ширкати “Фая Бёд Дистрибюшн ФЗЕ” (Аморати Муттаҳидаи Араб) оид ба харидорӣ ва таҳвили таҷҳизот барои мониторинги техникаи хизматрасонии роҳҳо ва таҷҳизоти техникӣ (Лоти 4) ба маблағи 98 976,00 доллари ИМА ба имзо расид.

Дар заминаи муроҷиати Вазорати нақлиёт ва розигии Бонк, санаи 5 июли соли 2018 Тағйироти №1 ба Қарордод аз 15 майи соли 2018 байни Вазорати нақлиёт ва ширкати “Сиамен XGMA Интернэшнл Трейд Ко., Лтд.” ба маблағи 372,567.91 доллари ИМА ба имзо расид.

Тибқи Тағйироти №1 аз ҳисоби маблағҳои сарфашудаи озмунӣ 4 адад техникаи иловагӣ харидорӣ карда мешавад, ки мақсад аз ин азхудкунии пурраи маблағҳои лоиҳавии ҷудошуда ва таъмини муассисаҳои зерсохтори соҳа бо шумораи бештари техникаи роҳсозӣ равона гардидааст.

Ҳамин тариқ, маблағи умумии қарордод бо ширкати “Сиамен XGMA Интернэшнл Трейд Ко., Лтд.” оид ба харидорӣ ва таҳвили техникаи хизматрасонии роҳҳо ва таҷҳизоти техникӣ (Лотҳои 1, 2 ва 3) 4,904,908.92 доллари ИМА-ро ташкил медиҳад ва шумораи умумии техника ва таҷҳизот аз 77 адад ба 81 адад расонида шуд.

Инчунин, санаи 27 августи соли 2018 Тағйироти №2 пас аз мувофиқа бо Бонки Аврупоии Таҷдид ва Рушд байни Вазорати нақлиёт ва ширкати “Сиамен XGMA Интернэшнл Трейд Ко., Лтд.” (Ҷумҳурии Халқии Хитой) ба имзо расид. Тағйироти мазкур танҳо истифодаи усули “Аккредитиви бозхостнашаванда (безотзывный аккредитив)”-ро барои пардохт намудани 80%-и маблағи қарордод (3,923,927,13 доллари ИМА) дарбар мегирад.

Бо назардошти он, ки суратҳисоби бонкии аккредитиви бозхостнашаванда пардохти маблағи муайянеро талаб менамояд, ширкат бо мактуби кафолатии худ изҳор намуд, ки тамоми хароҷотҳо вобаста ба кушодан, хизматрасонӣ ва бастани чунин суратҳисоб дар яке аз бонкҳои тиҷоратии Ҷумҳурии Тоҷикистон аз ҷониби ширкат пурра пардохт карда мешаванд.

Инчунин, бо мақсади пурра азхуд кардани маблағҳои сарфавӣ ва дар мувофиқа бо Бонк, санаи 1 октябри соли 2018 Тағйироти №1 ба қарордод аз 15 майи соли 2018 байни Вазорати нақлиёт ва ширкати “Фая Бёд Дистрибюшн ФЗЕ” ба маблағи 49 339 доллари ИМА ба имзо расид. Тибқи тағйироти №1 аз ҳисоби маблағҳои сарфашудаи озмунӣ таҷҳизоти иловагӣ барои мониторинги техникаҳои хизматрасонии роҳҳо харидорӣ мегардад. Дар натиҷа, маблағи умумии қарордод бо ширкати “Фая Бёд Дистрибюшн ФЗЕ” 148 315 доллари ИМА-ро ташкил дод.  

Бинобар сабаби интихоб гардидани усули 2-марҳилавӣ бо тавсияи Бонки Аврупоии Таҷдид ва Рушд ҳуҷҷатҳои озмунӣ ва таснифотҳои техникӣ муддати зиёд омода гардиданд. Зеро ки чунин ҳуҷҷатҳои стандартии озмунии бонкӣ мавҷуд набуданд.

Аз ҷониби ширкати таҳвилгари таҷҳизот барои мониторинги техника ва таҷҳизотҳо (Лот 4) пурра ба Ҷумҳурии Тоҷикистон ворид карда шуданд. Ширкати таҳвилгар барои техника ва таҷҳизотҳо (Лотҳои 1, 2 ва 3) тавассути гузаргоҳи сарҳадии Кулма 23 адад техникаҳоро, аз ҷумла боркунаки фронталӣ (6 адад), булдозер (4 адад), автогрейдер (5 адад) ва шиббаи ғелон (8 адад) ба Ҷумҳурии Тоҷикистон ворид намуд. Инчунин, 12 адад техника аз ҷумла, экскаватор (4 адад) ва мошини худфарор (8 адад) дар вилояти Қашғари Ҷумҳурии Халқии Хитой барои таҳвил ба Ҷумҳурии Тоҷикистон қарор дошта, барасмиятдарории ҳуҷҷатҳои онҳо аз ҷониби ширкати таҳвилгар рафта истодааст.